Dia Internasional di Lingua Maternu

Oji e dia internacional di lingua materna

e nu ka pudia dexaba pasa sem selebra nos lingua maternu – kriolu.

Kriolu e nha lingua di skola e di amigus, di amores e desamores. Na kaza nha mai sempre ta flaba mi ma nu tem ki papia portuges pa n prendi pamo kriolu nta prendi papia na rua.

Na kel epoka era si…kriolu N nasi kol, nka ta lembra di prende-l pamo N tene-l dentu mi. E ta konektan k nha rais.

Mas língua e ka so oralidadi, tem skrita tambe. Skrebi na regras pa mi e inportanti e oji nta intendi ma kalker variante podi ser skritu ku mesmu gramatika.

Pamo ki kriolu e importanti pa mi?

  1. E lingua di nhas ansestral…e ta fazi parti di nha identidade rasial;
  2. pamo e lindu xeiu di spresons bunitu e pa mi e midjor manera di spresa nha sentimentus;
  3. Pamo el e un sinbulu di rezistensia;
  4. pamo el e bunitu e riku, e tem 9 varianti (dja bu le nha kontu Juliana spia p atras na variante Bubista? Ilha di nha pai);
  5. pamo e dexa influensia na otus kriolu di otus ex kolonias…dja nhos obi fla di papiamento?

Nta dexa link pa un notisia ki nos Ministru Kultura ta fla ma nu sta prontu pa da mas un pasu, ki e torna kriolu língua oficial, ao lado di purtuges.

https://expressodasilhas.cv/cultura/2021/02/19/abraao-vicente-defende-a-necessidade-de-dar-outro-passo-para-oficializacao-da-lingua-cabo-verdiana/73482

Kuze ki nhos ta atxa di kriolu ser tambe lingua ofisial di Cabo Verde?

  • Pami e ta dignifika nos língua i kela e importanti, ta fazenu djobi pa nos mesmu ku otu olhar, ta valoriza!
  • Na skolas, ensinu bilinge podi ser benefiku pa kriansas, ka nu skesi ma maioria ka tem kontatu ku portuges ate ba skola. Si nu podi prendi mandarim, ingles, português, arabe ao mesmu tempu, pamodi ki nu ka podi prendi kriolu ki e di nos? Nos umbigu?
  • Pamo um povo ki ka ta ama se storia e se origen ka sabi pa undi ke ta djobi pa futuru.
  • Pamodi si nu ka tenta nu ka tem komu midjora e nu tem ki valoriza trabadju di txeu anus ki otus studiozus dja fazi, ka significa ma pa dianti nu ka podi muda si nu atxa otu kaminhu midjor, desdi ki seja pa valorizason di nos língua.

E pa bo? Kuze ki kriolu ta significa pa bo?

Um comentário em “Dia Internasional di Lingua Maternu

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair /  Alterar )

Foto do Google

Você está comentando utilizando sua conta Google. Sair /  Alterar )

Imagem do Twitter

Você está comentando utilizando sua conta Twitter. Sair /  Alterar )

Foto do Facebook

Você está comentando utilizando sua conta Facebook. Sair /  Alterar )

Conectando a %s